İLKIN SEÇİM MEYARLARI:
BMU-İNHA İDP-yə qəbul AR Dövlət İmtahan Mərkəzi (DİM) tərəfindən bakalavriat pilləsi üzrə qəbul imtahanlarının nəticələri və İNHA Universiteti tərəfindən keçirilən müsabiqə (daxili imtahan) əsasında aparılır. Belə ki, proqrama müraciət etmiş namizədlər:
Azərbaycan Respublikasının vətəndaşı olmalıdırlar;
2026-cı ildə DİM-in 1-ci ixtisas qrupu imtahanında iştirak etməli və uğurlu nəticə göstərməlidirlər;
BMU-İNHA İDP-nin hər ixtisas üzrə müəyyən edilmiş müvafiq keçid balını toplamalıdırlar:
Kompüter elmləri / Süni intellekt mühəndisliyi (Aİ) – 26 nəfər (keçid balı – 400/700)
Data analitikası / Data elmləri – 26 nəfər (keçid balı – 400/700)
İnformasiya texnologiyaları – 26 nəfər (keçid balı – 400/700)
Elektrik və elektronika mühəndisliyi – 26 nəfər (keçid balı – 400/700)
İNHA Universitetinin təşkil etdiyi yazılı imtahandan uğurla keçməlidirlər: Fizika, Riyaziyyat və İngilis dili.
TƏLƏB OLUNAN SƏNƏDLƏR:
Daxili imtahanda iştirak etmək üçün qeydiyyatdan keçərək abituriyent hesabı yaratmaq və, müvafiq olaraq, onlayn müraciət formasını dolduraraq tələb olunan sənədləri təqdim etmək lazımdır:
Şəxsiyyət vəsiqəsinin surəti;
3.5x4.5 ölçüdə rəngli fotoşəkil;
DİM tərəfindən keçirilmiş hər iki imtahanda topladığı balı təsdiq edən rəsmi sənəd;
Məktəb attestatının skan versiyası (attestatını almayan tələbələr təhsil aldıqları orta məktəbdən imzalı və möhürlü arayış təqdim etməlidir);
İngilis dili sertifikatı (olduğu təqdirdə): İELTS 5.5 və ya TOEFL İBT 71
Qeyd 1: İngilis dili sertifikatı təqdim edən namizədlər ingilis dili yazılı imtahanından azad olunur.
Qeyd 2: Proqrama qeydiyyat zamanı namizəd buraxılış iş nömrəsi (300 ballıq imtahan), blok imtahanı iş nömrəsi (400 ballıq imtahan) və şəxsi kabinetin istifadəçi adını (FİN) təqdim etməli olacaqdır.
Qeyd 3: Daxili imtahan yazılı formada Fizika, Riyaziyyat və İngilis dilindən ibarət olaraq İngilis dilində həyata keçiriləcəkdir.
Qeyd 4: BMU-İNHA İDP-yə qəbul olunmuş namizədlərin siyahısı Elm və Təhsil Nazirliyinə göndərilərək, DİM-də rəsmi olaraq qeydiyyata alınır. Əlavə olaraq, qəbul olunmuş namizədlər rəsmi BMU- İNHA İDP tələbəsi statusunu qazanaraq, DİM-in ixtisas seçimində (kodlaşdırma) iştirakdan azaddırlar.
Qeyd 5: BMU-İNHA İDP-yə qəbul olmayan namizədlərin DİM-in ixtisas seçimində (kodlaşdırma) iştirak etmək üçün ən azı bir həftə vaxtları olacaq.
DAXİLİ MÜSABİQƏ TARİXLƏRİ:
16 İyul – 1 Avqust 2026-cı il – Online qeydiyyat
4 Avqust 2026-cı il – Yazılı imtahan (Fizika, Riyaziyyat və İngilis dili)
6 Avqust 2026-cı il – Nəticələrin rəsmi olaraq elan edilməsi
2022/2023-CÜ TƏDRİS İLİNİN DAXİLİ İMTAHANINA DAİR VİDEOÇƏKİLİŞ:
2022/2023-ci tədris ili üzrə BMU-İNHA İDP-yə müraciət etmiş namizədlər üçün məlumatlandırma tədbiri keçirilib - http://bit.ly/3ofVy5e
2022/2023-cü tədris ili üzrə bakalavriat səviyyəsində BMU-İNHA İDP-yə qəbul üçün daxili imtahanlar keçirilib - http://bit.ly/3MJKDeg